काठमाडौं — देशको प्रतिष्ठा अन्तर्राष्ट्रिय मैदानमा उचाल्दै आएकी नेपाली राष्ट्रिय महिला फुटबल टोलीकी कप्तान सावित्रा भण्डारी ‘साम्बा’को उपचारका लागि नेपाली कांग्रेस ले ५ लाख रुपैयाँ आर्थिक सहयोग प्रदान गरेको छ।

पार्टीका कावा मुख्य सचिव कृष्णप्रसाद दुलाल द्वारा जारी विज्ञप्तिअनुसार, साम्बाको उपचारमा सहयोग गर्नु सम्पूर्ण राष्ट्रको दायित्व भएको उल्लेख गरिएको छ।

यस पहलअन्तर्गत उपसभापति विश्वप्रकाश शर्मा ले अखिल नेपाल फुटबल संघ (एन्फा) का अध्यक्षसँग समन्वय गर्दै उपचार कोषमा सहयोग गर्ने प्रतिबद्धता जनाएका थिए। सोही प्रतिबद्धताअनुसार एन्फाको ग्लोबल आईएमई बैंक लिमिटेड मा रहेको खातामा पाँच लाख रुपैयाँ जम्मा गरिएको छ।

पार्टी सभापति गगन थापा ले ‘साम्बा’प्रति उच्च सम्मान व्यक्त गर्दै यो कठिन घडीमा सबै नेपाली एकजुट भएर साथ दिनुपर्ने बताएका छन्।

✨ साथै, नेपाली कांग्रेसले खेलकुदलाई केवल मनोरञ्जनको माध्यम नभई ‘राष्ट्रिय पहिचान’ र ‘राष्ट्र निर्माणमा युवा सहभागिता’को बलियो आधार बनाउने प्रतिबद्धता दोहोर्‍याएको छ।