काठमाडौँ । प्रधानमन्त्री एव नेकपा (एमाले) का अध्यक्ष केपी शर्मा ओलीले मुलुकको तीव्र समृद्धि विकास र सुशासनको लागि लागि एमालेको बहुमत सरकार आवश्यक भएको बताउनुभएको छ ।

राष्ट्रिय युवा सङ्घ नेपालको केन्द्रीय शिक्षा विभागद्वारा आज एमाले पार्टी कार्यालय, च्यासलमा आयोजित युवा उद्यमी सम्मान तथा पार्टी प्रवेश कार्यक्रममा उहाँले देशलाई बिगार्न नदिन र बिना व्यवधान सुशासनलाई तीव्र गतिले अगाडि बढाउन एमालेको बहुमतको सरकारका आवश्यक भएको बताउनुभएको हो ।

राष्ट्र समाज र जनतालाई ल एमालेको नेतृत्व आवश्यक रहेको बुझ्न हामीले ढिला गर्यौं, स्वार्थ समूहको भ्रमबाट मुक्त हुनुपर्छ, एमालेलाई आगामी निर्वाचनमा बहुमत दिन युवाले साथ दिनुपर्छ”, अध्यक्ष ओलीले भन्नुभयो, “म युवालाई एमालेमा आउनुस् एकै पटक एमालेको अध्यक्ष बनिहाल्नोस् भनेर उकास्न चाहन्न । एमालेमा आउनुस्, काम र अनुभव हासिल गर्दै नेतृत्वमा पुग्न सकिन्छ ।” उहाँले मेस्सी, एम्बापे जस्ता फूटबल खेलाडी एकै पटक नबनेको प्रसङ्ग उल्लेख गर्दै उहाँले रहर लाग्ने वित्तिकै चिकित्सक, इञ्जिनियर कोही नबन्ने भनाइ राख्नुभयो ।

कार्यक्रममा युवा चिकित्सक,इञ्जिनियरसहित बौद्धिक युवा सर्कलहरू करिब १०० जना एमालेमा प्रवेश गरेका छन् । त्यस अवसरमा स्वदेशमै केही गर्न सकिन्छ भन्ने सोचका युवा व्यवसायीलाई सम्मान गरिएको थियो ।
नेकपा एमाले पार्टी देश समाज र जनताको पक्षमा भएको पार्टी हो। यसलाई सबै मिलेर पहिलो बनाउनुपर्छ अनि मात्र देश समाज जनता पहिलो हुनेछ। भन्ने प्रसय प्रधानमन्त्री केपी शर्मा ओली ले बताउनुभयो।
साँच्चै स्थिर सरकारको पक्षमा हुनुहुन्छ भने सुशासनको पक्षमा समृद्धको पक्षमा हुनुहुन्छ भने ८४ मा नेकपा एमालेलाई सबै मिलेर जिताउन उचित भएको बताउनुभयो