ताडको फल  –    पानामामा ब्ल्याक ह्यान्डेड स्पाइडर मोन्की नामक बाँदरको प्रजातिलाई ताडको फल मन पर्छ । उनीहरु यो फलको लागि यति पागल हुन्छन् कि यसलाई खाएपछि उनीहरुलाई नशा लाग्न  सुरु हुन्छ ।

वास्तवमा ताडको फलमा इथानोल नामक अल्कोहल हुन्छ, जसका कारण बाँदरलाई खाएपछि निन्द्रा लाग्न  सुरु हुन्छ । मदिरा सेवन गर्ने बाँदरलाई ध्यानमा राख्दै अमेरिकी वैज्ञानिकहरु अब मानिसलाई किन यति धेरै मदिरा मनपर्छ भन्ने कुरा पत्ता लगाउन खोजिरहेका छन् ।

यसका लागि उनीहरूले ब्ल्याक ह्यान्डेड स्पाइडर मोन्कीमा अनुसन्धान सुरु गरेका छन् । अनुसन्धानकर्ताहरूले दुईवटा माकुरा बाँदरको पिसाबको नमूना लिएका थिए । परीक्षण गर्दा पिसाबमा इथानोलको बलियो प्रमाण भेटेका थिए  ।

इथानोललाई पचाएर बाँदरको शरीरमा प्रयोग गर्ने गरेको वैज्ञानिकहरुले बताएका छन् । उनीहरुले मदिरालाई आफ्नो थकान कम गर्ने र निद्रा लाग्ने माध्यम बनाएका छन् ।

बाँदरहरू रक्सीमा आकर्षित किन  हुन्छन् ?

अनुसन्धानमा संलग्न नर्थरिज क्यालिफोर्निया स्टेट युनिभर्सिटीकी वैज्ञानिक क्रिस्टिना क्याम्पबेल भन्छिन् कि जंगलमा बस्ने बाँदरहरू मादक हुन्छन्, यो पहिलो पटक सन् २००० मा जीवविज्ञानी रोबर्ट डडलीले रिपोर्ट गरेका थिए ।

बाँदर रक्सीको स्वाद र गन्धमा आकर्षित हुने डुडले बताउँछन् । तिनीहरूले मादक फलहरू चिन्छन् र चाँडै खान्छन्, ताकि अन्य जनावरहरूले तिनीहरूलाई खान नपरोस् । अब यो परिकल्पना सत्य साबित भएको छ ।

बाँदरहरूले ऊर्जाको लागि इथानाेल खपत गर्छन्

अनुसन्धानमा समावेश गरिएका बाँदरहरूलाई इथानोल भरिएको फलफूल खुवाउने प्रयास गरिएको थियो । तर, बाँदरहरूले यी फलहरूबाट आफूलाई टाढा राखेका थिए  । जब यी बाँदरहरूलाई बाहिर जंगलमा छाडियो, तब तिनीहरूले आफैं खजूरको फल पत्ता लगाएर खान थालेका थिए  ।

यो अनुसन्धानले देखाएको छ कि बाँदरहरूले नशाको लागि मात्र होइन,  आफ्नो पाचनलाई स्वस्थ राख्न र ऊर्जाको स्तर बढाउनको लागि पनि  इथानोल युक्त फलफूल खान रुचाउँने गर्छन  ।

रक्सी बानी पनि विकासको एक हिस्सा हो

मानिसको सोच बाँदरको जस्तै हुनसक्छ भन्ने क्रिस्टिनाको विश्वास रहेको  छ । सायद मानिसहरु पनि ऊर्जा बढाउन र थकान हटाउन रक्सीको सेवन गर्न रुचाउँछन् । मध्य र दक्षिण अमेरिकाका स्थानीय मानिसहरूले यो ताडको फल प्रयोग गर्छन् ।

यसबाट चिचा नामको देशी मदिरा बनाइन्छ । जति धेरै किण्वित फलफूल खानुहुन्छ, शरीरलाई त्यति नै शक्ति प्राप्त हुन्छ । लाखौं वर्षमा बाँदरबाट मानिसमा क्रमविकासको गुणहरू सरेको वैज्ञानिकहरू विश्वास गर्छन् ।

अर्थात् बाँदर होस् वा मानिस सबैलाई रक्सी मन पर्छ । मानिस, चिम्पान्जी, बोनोबोस र गोरिल्लाको जीन धेरै समान  रहेको हुन्छ । यी मध्ये एउटा जीन यस्तो छ कि यसले इथेनोल इन्जाइमलाई ४० गुणाले सुधार गर्न सक्दछ  ।