काठमाडौं – विश्व वातावरण दिवसको अवसरमा तिनकुनेस्थित सामुदायीक विकाश समिति र सिम्रिक एयरको सहकार्यमा मदन भण्डारी स्मृतिपार्क र वागमती कोरिडोरको सरसफाइ गरिएको छ ।
कुमारी बैंक, एभरेष्ट बैंक र स्थानीयवासीको समेत सहभागीतामा आइतबार बिहान पार्क र वागमती कोरिडोरको सरसफाइ गरेको हो ।
सरसफाइ कार्यक्रममा संलग्न भएका व्यक्तिहरुले वातावरण एवं पर्यावरणको महत्व, जनमानसको कर्तव्य र सरकारको दायित्वमाथि मन्तव्य राखेका थिए ।
सिम्रिक एयरले पर्यावरण संरक्षणसम्बन्धी आफ्नो विशेष दायित्व रहेको जानकारी दिएको छ । सिम्रिक एयरले मदन भण्डारी पार्क र वागमती कोरिडोरको सफाइ अभियानमा निरन्तरता दिँदै आएको छ ।
पर्यावरण जोगाउनका लागि विभिन्न स्थानमा लागेको डडेलो नियन्त्रण गर्दै आएको जनाएको हो । सिम्रिक एयरले बालजुस्थित शिवपुरी जंगल, सोलुखुम्बुको लुक्ला विमानस्थल नजिकैको जंगलमा लागेको डडेलो हेलिकोप्टरको माध्यमबाट नियन्त्रणमा लिएको हो ।
