मकवानपुर – मकवानपुरको हेटौँडा उपमहानगरपालिका–९ मा शनिबार राति ग्यास बुलेट र मोटरसाइकल दुर्घटना हुँदा दुई जनाको मृत्यु भएको छ।
मृत्यु हुनेमा स्थानीय ५५ वर्षीय ईश्वर तामाङ र २६ वर्षीय अमिना तामाङ (बाबु छोरी) रहेको जिल्ला प्रहरी कार्यालयका प्रहरी नायव उपरीक्षक टेकबहादुर कार्कीले जानकारी दिएका छन् ।
उनकाअनुसार बाराबाट हेटौँडातर्फ आउँदै गरेको भारतीय एनएल ०१ एल २९७१ नम्वरको ग्यास बुलेटले विपरीत दिशाबाट जाँदै गरेको ना ६१ प ४५९७ नम्बरको मोटरसाइकललाई ठक्कर दिँदा बाबु छोरी नै सख्त घाइते भएको र उपचारको क्रममा हेटौँडा अस्पतालमा दुबैको मृत्यु भएको हो। बुलेट चालकलाई प्रहरीले नियन्त्रणमा लिएको छ।
