काठमाडौं – सत्तारुढ पाँच दलले स्थानीय तह निर्वाचनमा अवस्था र ठाउँअनुसार तालमेल गर्न पार्टीका नेता कार्यकर्तालाई आहृवान गरेका छन् । तालमेलको मोडालिटीबारे टुंगो लगाउन नसकिसकेका बेला सोमबार बसेको शीर्ष नेताहरुको बैठकले तालमेल गरेर अघि बढ्ने घोषणा समेत गरेका छन् ।
‘देशभर अवस्था र ठाउँअनुसार चुनावी तालमेल मिलाएर चुनानवमा आपसी सहकार्य र परस्पर सहयोगी भावनाले अगाडि बढ्न पाँच दलका साथीहरूलाई आहृवान गर्ने छौ ’, उनीहरूले भनेका छन् ।
बैठकमा प्रधानमन्त्री शेरबहादुर देउवा, जसपाका वरिष्ठ नेता अशोककुमार राई र राजमो उपाध्यक्ष दुर्गा पौडेल, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका सम्मानित नेता झलनाथ खनालले संयुक्त अपिल जारी गरेका हुन ।
