काठमाडौं – कुमारी बैंकको प्रमुख कार्यकारी अधिकृत (सीईओ) मा रामचन्द्र खनाल नियुक्त भएका छन् ।
माघ २४ देखि बैंकमा कायम मुकायम सीईओको जिम्मेवारी पाएका खनाललाई बैंकको सञ्चालक समितिले आज (बुधबार)देखि लागू हुने गरी ४ वर्षको लागि सीईओमा नियुक्त गरे ।
चार्टर्ड एकाउन्टेन्ट समेत रहेका खनालसँग डेढ दशक बैंकिङ क्षेत्रमा काम गरेको अनुभव रहेको छ ।
यसअघि एनआईसी एसिया क्यापिटलमा सीईओको रुपमा काम गरेका उनीसँग सिद्धार्थ बैंकमा काम गरेको अनुभव पनि रहेको छ ।
