चितवन – नेपाली काँग्रेसका बागमती प्रदेश सभापति इन्द्र बानियाँले चितवनमा पार्टीका कार्यकर्ता अनिल परियारको हत्याप्रति गम्भीर ध्यानाकर्षण भएको बताएका हुन ।
काँग्रेस बागमती प्रदेश महाधिवेशन प्रतिनिधि परियारको आइतबार साँझ भरतपुर–७ कृष्णपुर खेलमैदान नजिक अज्ञात समूहले हत्या गरेका थिए ।
स्थानीय तह निर्वाचनको पूर्वसन्ध्यामा परियारको हत्या हुनु वर्तमान गठबन्धनमाथिको प्रहार भएको बनियाँद्वारा जारी विज्ञप्तिमा उल्लेख गरिएको छ ।
परियारको हत्यामा संलग्नलाई यथाशीघ्र पक्राउ गरी कडा कारबाही गर्ने काँग्रेस बागमती प्रदेश समितिले माग गरे ।
