ठमेलबाट २ केजी सुनसहित २ चिनियाँ नागरिक पक्राउ

गुनासो चौतारी, ६ असार, काठमाडौं । ठमेलको ज्याठाबाट दुई केजी सुन र २४ लाख नगद सहित दुई जना चिनियाँ नागरिक पक्राउ परेका छन् ।

उपत्यका अपराध अनुसन्धान कार्यालयका अनुसार पक्राउ पर्नेमा चीनको सियाचिन घर भएकी ३४ वर्षीया सुमेई चोउ र ४६ वर्षीय चुनलिन थान रहेका छन् ।

ज्याठास्थित चिनियाँ नामको होटलबाट सोमबार साँझ उनीहरू पक्राउ परेको प्रहरीले जनाएको छ ।उनीहरूमाथि थप अनुसन्धान भइरहेको छ ।