काठमाडौं– निर्वाचन आयोगले बोलाएको छलफलमा विवाद उत्पन्न भएको छ। आयोगले आचारसंहिताबारे छलफल गर्न भनेर बोलाएको तर बोल्न नदिएको भन्दै साना दलले विरोध गरेका हुन्।
आयोगका आयुक्तले ‘हामीले तपाईंहरुलाई हस्ताक्षर गर्न बोलाएको हो, छलफल गर्न बोलाएको हैन’ भनेपछि दलका प्रतिनिधिहरु आक्रोशित बनेका थिए।
आज आयोगले आचारसंहिताबारे छलफल गर्न भनेर ७९ वटा दललाई बोलाएको थियो। तर दलका प्रतिनिधिहरूलाई आचारसंहितामाथि छलफल नगरी प्रतिबद्धतापत्रमा हस्ताक्षर गर्न भनेपछि विवाद भएको हो।
छलफल नै नगरी हस्ताक्षर गर्न भनेपछि साना दलका नेता र प्रतिनिधिले विरोध जनाएका हुन्। सत्तारुढ गठबन्धन र ठूला दलको आदेशमा आयोग चलेको भन्दै साना दलले आयोगका पदाधिकारीविरुद्ध नाराबाजीसमेत गरे। प्रमुख निर्वाचन आयुक्त दिनेशकुमार थपलियाले विवाद नगर्न आग्रह गरे पनि उनीहरुले नाराबाजी जारी राखेका थिए।
यो खबर पढेर तपाईलाई कस्तो महसुस भयो ?
Arrayप्रतिक्रिया
सम्बन्धित खवर
